Skál! básinn á Hlemmi leitar að nýjum eiganda og rekstraraðila í mathöllina

Skál! básinn á Hlemmi leitar að nýjum eiganda og rekstraraðila í mathöllina. Tilvalið tækifæri fyrir duglegt fólk!

Síðustu 7 árin hefur Skál! vaxið og dafnað á Hlemmi Mathöll í þessu rétt rúmu 20m2 rými og nú er Skál! á vegferð að færa sig yfir á nýtt heimili að Njálsgötu 1.

Hlemmur er staður sem fólk fer á í hópum og allir geta fengið sér það sem þeim girnist en svo verða oft til móment þar sem fólk sest við barinn og verður hughrifið að því að það sé hægt að bjóða frábæran mat og þjónustu yfir borðið.

Á þeim tíma sem Skál! hefur verið á Hlemmi Mathöll þá hafa komið þar ótal pop-up af erlendum gestakokkum og barþjónum sem hafa tekið yfir staðinn í kvöldstund sem hefur líka veitt fastagestum þá upplifun að það sé alltaf eitthvað nýtt og spennandi sem er í boði.

Mathöllin er áfangastaður fyrir þá sem vilja fá sér að borða án þess að það sé of fínt eða of mikið tilefni, heldur bara næs staður til að koma saman og fá sér að borða, drekka vín og vera í stemmingu.

Nú þegar Skál! er að stefna á flutninga í sumar þá leitum við að nýjum aðilum til að taka við keflinu á Hlemmi Mathöll, þróa sína eigin drauma og prófa nýtt concept eða gera útibú af öðru þekktu concepti. Rýmið hefur endalausa möguleika í réttum höndum og hefur gefið okkur ótal minningar og verið gjöfult og gott.

Básinn er til sölu með öllum tækjabúnaði sem var allur sérvalinn og hannaður til að passa sem best inní rýmið og veita sem best flæði í vinnu.

Áhugasamir eru beðnir um að hafa samband við Gísla Grímsson með því að senda póst á gisli@saltverk.is fyrir frekari upplýsingar.