Rjómakennt spaghettí bolognese

Hér er á ferðinni ekta haustmatur sem hentar fyrir unga sem aldna. Bolognese er kærkomin tilbreyting frá klassísku hakk og spaghettí og rjóminn setur hér punktinn algjörlega yfir I-ið.

Fyrir um 5 manns

• 450 g spaghettí
• 700 g nautahakk
• 1 stór gulrót
• 1 laukur
• 3 hvítlauksrif
• 4 msk. tómat paste
• 400 g hakkaðir tómatar (í dós)
• 100 ml pastavatn
• 2 msk. fljótandi nautakraftur
• 1 tsk. þurrkuð basilíka
• 1 msk. oregano krydd
• 150 ml rjómi frá Gott í matinn
• Salt og pipar eftir smekk
• Ólífuolía til steikingar
• Meðlæti: parmesanostur og hvítlauksbrauð

Aðferð:

1. Saxið laukinn smátt og rífið gulrót og hvítlauk niður með fínu rifjárni.
2. Steikið hakk og lauk á pönnu, kryddið eftir smekk. Þegar það er að verða tilbúið má bæta gulrót og hvítlauk saman við og steikja við meðalhita aðeins lengur eða þar til það mýkist.
3. Sjóðið á meðan spaghettí al dente í vel söltu vatni.
4. Takið 100 ml af pastavatninu á meðan spagettíið sýður, bætið á pönnuna með hakkinu ásamt tómat paste, hökkuðum tómötum, nautakrafti, basilíku og oregano, leyfið að malla aðeins (10-15 mín).
5. Í lokin bætið þið rjómanum saman við og smakkið til með kryddum, setjið síðan spaghettí saman við og blandið varlega saman við.
6. Njótið með parmesan osti og hvítlauksbrauði.

Sjá nánar hér.