Rifjaborgarinn slær í gegn á nýjum veitingastað Samlokubarsins

Samlokubarinn er nýr veitingtastaður sem staðsettur er í Krónunni í Lindum í Kópavogi. Eigandi er Valþór Sverrisson, betur þekktur sem Valli hjá 24 Iceland.

Staðurinn sem tekur um 25 manns í sæti hefur fengið mjög góðar viðtökur, en sérstaða hans steikar-, og BLT samlokurnar, rifja-, og vegan borgarar:

„Rifjaburgerinn er að slá í gegn“

, sagði Valli í samtali við veitingageirinn.is aðspurður um hvaða réttur er vinsæll á matseðlinum, en Rifjaborgarinn inniheldur úrbeinuð rif, sultuðum lauk, sætkartöflumús og spicy mæjó.

Samlokubarinn er staðsettur inni í Krónunni í Lindum í Kópavogi.
Mynd: skjáskot af google korti

Samlokubarinn býður upp á fjölbreyttan matseðil eins og áður segir Vegan Burger, hina frægu BLT-samloku, salöt, steikarsamloku, Rifjaborgarann, sjeik, pizzur og samlokur fyrir krakkana svo fátt eitt sé nefnt.

Opnunartímar eru virkir dagar frá klukkan 10 til 20 og um helgar 11 til 18.

Myndir: facebook / Samlokubarinn og Samlokubarinn.is