Rétturinn lokar matsalnum – Afgreiða einungis matarbakka til að hafa meðferðis heim eða í vinnuna

Guðjón Vilmar Reynisson matreiðslumeistari hjá Réttinum

Matstofan Rétturinn í Reykjanesbæ býður upp á heimilismat í hádeginu alla virka daga og hefur verið einn vinsælasti veitingastaður á suðurnesjum í fjölda mörg ár.

Í ljósi þeirrar baráttu sem við stöndum nú öll sameiginlega í gegn útbreiðslu á COVID19 veirunni vill Rétturinn koma eftirfarandi á framfæri, að frá og með deginum í dag 17. mars til 20. mars n.k. verður lokað í matsal hjá Réttinum. Hægt verður að koma í matsal og fá afgreidda bakka til að hafa meðferðis heim eða í vinnuna.

Opnað verður fyrir matsal eins fljótt og auðið er, og er hægt að fylgjast með tilkynningum á Rétturinn.is eða á Facebook-síðu staðarins.

Útakstur til fyrirtækja verður með óbreyttum hætti.

Mynd: facebook / Rétturinn