Starfsmannavelta
Plantan Bístró hættir rekstri í Norræna húsinu í lok júlí
Eigendur Plantan Bístró tilkynntu um lokun staðarins í myndbandi á Instagram. Skjáskot.
Plantan Bístró í Norræna húsinu mun loka dyrum sínum þann 30. júlí næstkomandi, samkvæmt tilkynningu frá eigendum staðarins. Kaffihúsið Plantan á Njálsgötu verður hins vegar áfram rekið óbreytt.
Plantan tók við rekstri veitingaaðstöðu í Norræna húsinu 1. febrúar 2025. Þar var boðið upp á árstíðabundinn plöntumiðaðan matseðil, heimabakað bakkelsi og sérkaffi, með áherslu á ferskt hráefni og skapandi matargerð.
Sjá einnig: Sónó flytur út og Plantan flytur inn
Í tilkynningu frá eigendunum segir að ákvörðunin hafi verið erfið.
„Eftir dásamlegt tímabil höfum við tekið þá erfiðu ákvörðun að Plantan Bístró í Norræna húsinu muni loka 30. júlí.“
Eigendurnir þakka jafnframt öllum þeim sem hafa heimsótt staðinn og stutt við reksturinn.
„Við erum ótrúlega þakklát fyrir alla gestina sem hafa heimsótt okkur, haldið með okkur og gert staðinn að því sem hann varð. Það hefur verið sannur heiður að vera hluti af þessu fallega umhverfi.“
Þá færa þau Norræna húsinu sérstakar þakkir fyrir samstarfið.
„Við viljum einnig færa Norræna húsinu okkar innilegustu þakkir fyrir frábært samstarf, traustið og hlýjar móttökur. Það hefur verið okkur sannkölluð ánægja að starfa þar.“
Fram að lokun verður áfram tekið á móti gestum af sama metnaði og áður og hvetja eigendurnir fólk til að líta við síðustu vikurnar.
Þau leggja jafnframt áherslu á að Plantan Kaffihús á Njálsgötu haldi áfram starfsemi sinni.
„Plantan Kaffihús á Njálsgötu verður áfram opið og við hlökkum til að taka á móti ykkur þar eins og alltaf.“
Plantan á Njálsgötu opnaði í maí 2022 og er í eigu þeirra Hrafnhildar Gunnarsdóttur, Bernódusar Óla Einarssonar og Júlíu Sif Liljudóttur. Kaffihúsið varð til út frá þeirri hugmynd að bjóða upp á vandaðan plöntumiðaðan mat og heimabakað bakkelsi úr ferskum hráefnum.
Norræna húsið hefur jafnframt þakkað Plöntunni fyrir samstarfið og hyggst nú leita að nýjum samstarfsaðila til að reka veitingastarfsemi í húsinu.
„Við erum innilega þakklát fyrir þeirra nærveru, hlýju og fagmennsku hér í húsinu og óskum þeim góðs gengis,“
segir í tilkynningu frá Norræna húsinu.
View this post on Instagram
Tengt efni:
Obo diner opnar brátt á Egilsstöðum með nýju yfirbragði
Reynsluboltar úr veitingageiranum opna kokteilbar á Hverfisgötu
St Leonard’s lokar eftir fimm ára rekstur
Kúmenosturinn er kominn aftur og færir íslenskri matarhefð nýtt líf
Sticks’n’Sushi fór yfir 18 milljarða króna í veltu
Plantan Bístró hættir rekstri í Norræna húsinu í lok júlí
Reynsluboltar úr veitingageiranum opna kokteilbar á Hverfisgötu
Kúmenosturinn er kominn aftur og færir íslenskri matarhefð nýtt líf
Sticks’n’Sushi fór yfir 18 milljarða króna í veltu
Fagfélögin loka skrifstofu sinni í tvær vikur vegna sumarleyfa
Trump í vínstríði við dyggan stuðningsmann
Frá eldhúsinu til heimsfrægðar: Anthony Bourdain á hvíta tjaldið
Brotist inn á veitingastaðinn Glóstein – Kannast einhver við manninn sem braust inn?
Sumarið er tíminn fyrir ís – Myndir og myndbönd frá ísnámskeiði Fabbri og ÓJ&K – ÍSAM
Vittorio Agosti frá Fabbri heimsótti Ísland með bragðmiklar nýjungar í samstarfi við ÓJ&K-ÍSAM – Myndir og vídeó
-
Nýtt bakarí, veitingahús, fisk- og kjötbúð og hótel3 dagar síðanObo diner opnar brátt á Egilsstöðum með nýju yfirbragði
-
Nýtt bakarí, veitingahús, fisk- og kjötbúð og hótel2 dagar síðanReynsluboltar úr veitingageiranum opna kokteilbar á Hverfisgötu
-
Markaðurinn6 dagar síðanRekstraraðili óskast fyrir veitingarekstur í Edinborgarhúsinu
-
Starfsmannavelta5 dagar síðanReksturinn náði ekki nægri veltu
-
Starfsmannavelta5 dagar síðanSt Leonard’s lokar eftir fimm ára rekstur
-
Markaðurinn7 dagar síðanGazpacho súpa sem svalar á heitum sumardögum
-
Markaðurinn2 dagar síðanKúmenosturinn er kominn aftur og færir íslenskri matarhefð nýtt líf
-
Viðtöl, örfréttir & frumraun2 dagar síðanSticks’n’Sushi fór yfir 18 milljarða króna í veltu