Opna Issi – Fish & Chips í Reykjanesbæ | Með fullt hús stiga á facebook

Um miðjan júní s.l. opnaði Jóhann Issi Hallgrímsson matreiðslu- og framreiðslumeistari matarvagn í Grindavík ásamt eiginkonu sinni Hjördísi Guðmundsdóttur. Rífandi gangur hefur verið frá opnun í Grindavík og hafa veitingahjónin opnað annan matarvagn undir sömu formerkjum á Fitjum í Reykjanesbæ.

Sjá einnig: Issi opnar tvo matarbíla á Reykjanesinu

Í boði er Fiskur og franskar (Fish & chips) með sælkerasósu Issa sem hefur fengið mjög góða dóma og er leyniuppskrift fjölskyldunnar.

Veitingahjónin Hjördís og Issi eru ávallt glöð í bragði og hress í viðmóti

Með fullt hús stiga á facebook

Bestu meðmælin á facebook

Á facebook síðu Issa – Fish & Chips geta gestir bæði skrifað hvað þeim finnst um matinn og gefið allt að fimm stjörnur í einkunn. Nú þegar hafa 45 manns skrifað og gefið stjörnur og allir hafa gefið sín bestu meðmæli og einkunn sem völ er á, fimm stjörnur og er Issi – Fish & Chips með fullt hús stiga, vel gert.

Hér að neðan eru nokkur ummæli frá gestum:

„Ég borða vanalega ekki fisk en ákvað að smakka, vááá þetta er sjúklega gott“

„Hrikalega ljúffengt, bestu fish & chips sem ég hef smakkað!“

„Frábær fiskur og dúndurverð“

Með fylgja myndir frá opnunardegi á Fitjum, en fleiri myndir er hægt að sjá hér að neðan.

Myndir: Bjarni Sigurðsson / Basi Ljósmyndir