Norska kokkalandsliðið kynnir nýtt ungkokkalandslið fyrir Ólympíuleikana 2028

Ungkokkalandslið Noregs skipað sjö ungum og efnilegum kokkum ásamt aðstoðarmönnum fyrir Ólympíuleika í matreiðslu 2028.

Norska kokkalandsliðið hefur kynnt til sögunnar nýtt ungkokkalandslið sem mun keppa fyrir hönd Noregs á IKA Culinary Olympics árið 2028. Alls voru sjö ungir og efnilegir kokkar valdir í liðið, sem hefst handa við undirbúning af varfærni á næsta ári, áður en gefið verður í af fullum krafti frá 1. janúar 2027 með skýrt markmið í huga. Ólympíugull í matreiðslu.

Valið er í höndum norska kokkalandsliðsins og endurspeglar liðið breidd og gæði ungra fagmanna sem starfa nú á áberandi veitingastöðum í Noregi. Liðið mun taka þátt í einni virtustu matreiðslukeppni heims þar sem þjóðir etja kappi í flóknum verkefnum sem reyna á fagmennsku, skipulag, samvinnu og sköpunargleði til hins ýtrasta.

Fyrirliði liðsins er Jon Erlend Matre sem starfar á Centropa Restaurant og bar. Með honum í landsliðinu eru Knut J. Brottveit frá Brasserie France, Aleksander Næss Strand frá Arakataka, Synva Gjerde Knapstad frá Stock, Torje Torvik frá Vaaghals og Mikkel Skjellen-Larsen sem einnig starfar á Vaaghals. Auk þeirra taka Mari Solhaug Moi og Mathias Johnsen þátt sem aðstoðarmenn, bæði frá Stallen og Fyr Bistronomi.

Undirbúningur liðsins mun fara stigvaxandi fram á næstu árum þar sem áhersla verður lögð á tæknilega færni, samhæfingu og keppnisreynslu áður en lokaátakið hefst árið 2027. Þar verður allt lagt í sölurnar með það að markmiði að ná efsta sæti á alþjóðavettvangi.

Nánar um ungkokkalandsliðið hér.

Mynd: facebook / Det Norske Kokkelandslaget, NKL / Sjo og Floyd