Markaðurinn

Montes heiðraður í Þýskalandi og Chile

Birting:

12 ár síðan

þann

29.04.2015

Eftir

Þorleifur „Tolli“ Sigurbjörnsson

Aurelio Montes, víngerðarmaður

Aurelio Montes hefur áratugum saman verið einn fremsti víngerðarmaður Suður-Ameríku en í fyrra voru 25 ár liðin frá því að hann stofnaði ásamt nokkrum félögum vínhúsið Montes. Á dögunum hlaut Aurelio Montes viðurkenningu frá þýska sælkeratímaritinu Feinschmecker fyrir framlag sitt til víngerðar ( Lifetime Achievement Award) og sömuleiðis frá Samtökum vín- og matarblaðamanna í Chile.

Bæði Feinschmecker og Chilean Food and Wine Writers Guild nefna sérstaklega frumkvöðlastarfsemi Montes á sviði þurrar ræktunar (dry farming) þar sem vínviðurinn er skilyrtur til að komast af með mun minna vatn en venjulega þarf við vínrækt. Með notkunar þessarar aðferðar er hægt að draga verulega úr vatnsnotkun en einnig bæta gæði vínanna, ræturnar þurfa að grafa sig neðar og vínin verða kröftugri og míneralískari. Vínin í Montes Alpha-línunni frá og með 2012-árganginum sýna afrakstur þessarar aðferðar.

Það má svo auðvitað rifja upp að Aurelio var staddur hér á landi haustið 2013 og hélt þá Master-Class smökkun í samstarfi við Vínótekið. Hér má sjá viðtal sem tekið var við hann í tengslum við þá smökkun.

Frekari upplýsingar um vínin frá Montes inná globus.is og um nýju Argentínsku vínin hans Kaiken þar sem sonur hans Aurelio Montes Jr stjórnar víngerðinni.

Myndir: aðsendar

/Tolli

Tög:Globus

Þorleifur „Tolli“ Sigurbjörnsson

Tolli er framreiðslumaður að mennt og Certified Sommelier frá Court of Master Sommelier, en hann hefur starfað við fagið til fjölda ára. Tolli hefur verið í stjórn Vínþjónasamtaka frá árinu 2001 og sá eini sem hefur gegnt öllum störfum samtakanna, nú sem ritari og gjaldkeri. Tolli starfaði lengst af í Perlunni og var stofneigandi af Sommelier Brasserie við hverfisgötu forðum daga, í dag starfar hann hjá víninnflytjanda Globus. Hægt er að hafa samband við Tolla á netfangið [email protected]

Auglýsingapláss