Mistök við merkingu á Hvítlauksosti

Mjólkursamsalan bendir neytendum á mistök sem urðu við merkingu á Hvítlauksosti með best fyrir dagsetningarnar 5. júní og 18. júní 2019. Hluti innihaldslýsingar vantaði á umbúðir og duttu út upplýsingar um að varan innihaldi sellerí, hveiti og soja.

Þeir neytendur sem eru með ofnæmi og óþol fyrir þessum innihaldsefnum eru varaðir við en fyrir aðra er varan neysluhæf. Neytendur með ofnæmi eða óþol sem hafa keypt vöruna er velkomið að skila henni í verslunina þar sem hún var keypt eða til Mjólkursamsölunnar. Dreifing/sala vörunnar með þessari merkingu hefur verið stöðvuð og Matvælastofnun látin vita.

Mynd: ms.is