Mexíkóskar flautur með avacadosósu – Einfaldar og einstakar tortillur

Hver elskar ekki mexíkóskan mat sem tekur innan við 30 mínútur að gera? Mexíkóskar flautur er eitthvað sem passar við mörg tilefni, bæði í saumaklúbbinn, afmæli eða fyrir fljótlegan og léttan kvöldmat.

Flauturnar eru stökkar sem gerir þær ennþá betri. Gott að bera fram með avacadósósu, guacamole, auka salsa og jafnvel Nachos flögum.

Innihald

1 tsk ólífu olía

½ rauðlaukur

½ laukur

Auglýsingapláss

3 hvítlauksgeirar

½ dós af gulum baunum

2 kjúklingabringur, eldaðar og rifnar niður

1 dós salsasósa

100 g sýrður rjómi 10%

1 dós af Mexíkóskri ostablöndu frá Gott í  matinn

Auglýsingapláss

10-12 tortillur

3 msk smjör

Avacadosósa

2 avacado

1 dós af sýrðum rjóma 10%

1 handfylli af ferskum kóríander

Auglýsingapláss

1 bréf af guacamole dip mix

Safi úr einni límónu

Aðferð

1. Hiti ofninn í 180 gráður og setjið bökunarpappír á bökunarplötu.
2. Setjið olíu á pönnu og hitið við meðalháan hita.
3. Skerið niður lauk og hvítlauk og steikið ásamt baunum þar til laukurinn er aðeins farinn að eldast.
4. Mjög fljótlegt er að nota tilbúinn kjúkling og nýta bringurnar af kjúklingum og rífa niður og setja á pönnuna. Ef ekki eru tvær bringur steiktar eða grillaðar og rifnar niður og settar út á pönnuna.
5. Setjið því næst salsasósu og sýrðan rjóma á pönnuna og blandið öllu vel saman.
6. Takið pönnuna af hitanum og blandið ostinum saman við og blandi öllu saman.
7. Smyrjið hverja tortillu fyrir sig og vefjið þeim upp og setjið á bökunarplötu.
8. Bræðið smjör og penslið því yfir hverja tortillu fyrir sig og eldið í rúmar 15 mínútur eða þar til vefjurnar eru orðnar gylltar að lit. Mexíkóskar flautur eiga að vera stökkar svo gott er að hafa þær aðeins lengur til að fá stökka áferð en of stutt.
9. Berið fram með avacadosósu, ferskum kóríander og rauðlauk.

Avacadosósa

1. Setjið alt í matvinnsluvél og hrærið saman þar til sósan er orðin slétt og fín.