Landslið Kjötiðnaðarmanna á facebook

Merki landsliðsins

Landslið Kjötiðnaðarmanna hefur stofnað Facebook-síðu þar sem hægt verður að fylgjast með landsliðinu sem kemur til með að miðla efni, skrifum og fréttum tengt liðinu.

Landsliðið samanstendur af okkar bestu fagmönnum í kjötiðnaðinum, en hlutverk liðsins er að sýna fram á getu og hæfni kjötiðnaðarmanna á Íslandi.

Landslið Kjötiðnaðarmanna mun taka þátt í Heimsmeistarakeppni í kjötskurði sem fram fer í Sakramentó í Bandaríkjunum í september árið 2020. Keppnin er haldin á tveggja ára fresti.

Landslið Kjötiðnaðarmanna kemur saman

Á morgun 14. mars hefst Íslandsmót iðngreina í Laugardalshöllinni sem stendur yfir til 16. mars 2019.

Á laugardaginn 16. mars mun landsliðið koma saman og frumsýna nýja landsliðsbúninginn. Að auki sýna meðlimir í landsliðinu meistaratakta við að úrbeina lambaskrokka, bjóða upp á smakk ofl.

„Við munum svo selja þetta lambakjöt ásamt því lambakjöti sem að skorið var í nemakeppninni í kjötiðn klukkan 14.00 og mun féð renna óskipt til landsliðsins.“

Sagði Jóhannes Geir Númason kjötiðnaðarmeistari í samtali við veitingageirinn.is, en hann hefur staðið að undirbúningnum við stofnun landsliðs kjötiðnaðarmeistara.

Dagskráin hjá Landsliði Kjötiðnaðarmanna laugardaginn 16. mars:

11:00 – 13:00: Verða skornir nokkrir lambaskrokkar í kjötborðið.

13:30 – Veitt verða verðlaun úr nemakeppninni fyrir besta áleggið.

14:00 – Selt verður úr kjörborðinu og mun allur ágóði renna beint til landsliðsins.

16:30 – Verðlaunaafhending Íslandsmóts iðngreina.

Fylgist með landsliðinu á facebook hér.