Lambalæri með sykurbrúnuðum kartöflum og bearnaise sósu

Aðalréttur fyrir 6

• 1 lambalæri (búið að hreinsa lykilbein og lærlegg)
• 400 gr sykur
• 900 gr smjör
• 200 ml rjómi
• 7 rósmarín greinar
• 1 heill hvítlaukur
• 8 eggjarauður
• Smá bernaise essence
• Smá kjúklingakraftur
• Esdragon eftir smekk
• Forsoðnar kartöflur eftir þörf (um 6 á mann)

Lambalæri

Aðferð

1. Hitar ofninn í 180°C
2. Saxar hvítlaukinn niður
3. Nuddar rósmarínið og hvítlaukinn við lambalærið
4. Kryddar eftir smekk
5. Setur lærið í ofninn og bakar í 50 mín
6. Lætur það standa í 10 mín
7. Setur það aftur inn í 10 mín
8. Lætur það standa í 10 mínútur áður en borið er fram

Sykurbrúnaðar kartöflur

Aðferð

1. Setur sykurinn í pott ásamt smá vatni
2. Hitar
3. Hrærir í þangað til sykurinn er byrjaður að brúnast smá
4. Bætir við 100 gr af smjöri
5. Hrærir stöðugt
6. Bætir við rjómanum
7. Setur forsoðnar kartöflur útí
8. Sýður í 10 mín

Bearnaise sósa

Aðferð

1. Bræðir 800 gr af smjöri
2. Setur kjúklingakraft og esdragon útí smjörið
3. Tekur 8 eggjarauður og þeytir þær yfir vatnsbaði þangað til þær lýsast smá
4. Hellir heitu smjörinu mjög hægt útí á meðan þú hrærir í sósunni
5. Bragðbætir með bearnaise essence
6. Ef hún virðist vera of þykk er hægt að bæta rjóma útí hana

Eyþór Mar Halldórsson

Höfundur er Eyþór Mar Halldórsson matreiðslumeistari.
Mynd: Heiðar Kristjánsson