Kokteilar í hæstum gæðum á flottustu kokteilbörum landsins

Nú er fyrri hluti World Class keppninnar lokið, en 27 barþjónar eru skráðir til leiks frá flottustu kokteilbörum landsins.  Keppendur sóttu námskeið í nóvember s.l. þar sem fræðst var um kokteiltrend framtíðarinnar og þar kom margt skemmtilegt fram sem vert er að hugsa út í s.s að fólk er að eldast en er enn við góða heilsu þannig að það er stór markaður fyrir fólk sem er hætt að vinna og hefur meiri tíma.

Aðgangur að hreinu vatni fer minnkandi í heiminum og þörf fyrir klaka minnka í framtíðinni sem er einn af stóru grunnefnum kokteilsins í dag, en þetta og ýmislegt fleira áhugavert kom fram í námskeiðinu sem vert er að hugsa varðandi þróun kokteilheimsins.  Global Brand Ambassador fyrir Tanqueray hélt einnig master class námskeið fyrir barþjóna en gin eru í mikilli uppsveiflu. Barþjónar heimsóttu loks verkstæðið hjá Ottó í Klakastyttum en hann er sá sem útvegar börunum stóru klakablokkirnar sem þeir höggva fyrir drykkina. Þar æfðu barþjónar sig í mismunandi tækjum og tólum til að móta klakann.

Eftir þessa törn af námskeiðum og fræðslu í nóvember sendu barþjónar inn kokteila fyrir World Class drykkjarseðla sem verða á boðstólnum þar til í vor og einn af þessum kokteilum var keppniskokteill sem var dæmdur í síðustu viku.  Ný aðferð var gerð við dómgæslu en barþjónar voru heimsóttir á sinn heimabar þar sem þeir gerðu sinn kokteil þannig að dómararnir fóru hús úr húsi. Þetta tókst mjög vel og andrúmsloftið var mjög létt og allir vel undirbúnir þegar dómarar settust við barinn. Sama og enginn tími fór í uppsetningu og niðurtekt þannig að þetta mun líklegast verða endurtekið í vor.  Allir barþjónar komast áfram úr þessari lotu en í næstu lotu í apríl verður tilkynnt hverjir eru topp 10 barþjónar í keppninni.

Dómnefndina skipaði einvalalið; Hlynur Björnsson Brand Ambassador og framkvæmdastjóri keppninnar, Andri Davíð Pétursson íslenski sigurvegari World Class keppninnar árið 2016 og Ottó Magnússon kokkur og klakaskurðarmeistari.

Með fylgja nokkar myndir frá því þegar dómarar heimsóttu keppendur á sínum eigin heimabar, en fleiri myndir er hægt að skoða með því að smella hér.

Eins og áður segir þá eru 27 barþjónar skráðir til leiks frá flottustu kokteilbörum landsins og bjóða nú upp á kokteilana fram í vor:

Myndir: facebook / The Viceman