Kaffivagninn seldur – Viggó: „Hugmyndin hjá rekstrarfélaginu er að halda í gamla góða Kaffivagn­inn og ekki breyta miklu“

Kaffivagninn.
Mynd: Sigurjón Ragnar

Verið er að ganga frá pappírum um sölu FoodCo ehf. á fasteign og rekstri Kaffivagns­ins á Granda, eins elsta veitingastaðar landsins.

Vilja kaupa Kaffivagninn á Granda

Salteyri ehf. er að kaupa fasteignina og mun ganga frá leigusamningi um húsnæðið til Landvits ehf., sem mun áfram reka „gamla góða Kaffivagninn“ á staðnum.

Viggó Sigursteinsson frá Landviti staðfesti í samtali við mbl.is að samningaviðræður séu langt komnar.

Viggó Sigursteinsson er matreiðslumaður að mennt en hefur frá aldamótum verið í fasteignum. Viggó er einnig löggiltur fasteigna-, fyrirtækja- og skipasali.
Mynd: landvit.is

Hvað tekur við í húsnæðinu?

„Hugmyndin hjá rekstrarfélaginu er að halda í gamla góða Kaffivagn­inn og ekki breyta miklu, nema heldur bæta í hádeginu,“

segir Viggó í samtali við mbl.is.

Viggó mun leigja húsnæðið af nýju eigendunum hjá Salteyri. Salteyri er fasteignafélag sem á meðal annars nokkuð af fasteignum í Hafnarfirði. Þar er Pétur Björnsson stjórnarformaður. Að sögn Péturs áleit félagið húsnæðið góðan fjárfestingarkost og sló til. Hann upplýsir ekki um söluverð fasteignarinnar en talar um „sanngjarnt verð“, að því er fram kemur á mbl.is sem fjallar nánar um málið hér.