Jérôme Bocuse fetar í fótspor föður síns

Feðgarnir Jérôme Bocuse og Paul Bocuse

Jérôme Bocuse sonur Paul Bocuse hefur verið kosinn forseti Bocuse d’Or keppninnar.  Jérôme er þó enginn nýgræðingur í keppninni en hann hefur tekið virkan þátt og setið í fjölmörgum nefndum í tengslum við keppnina frá því að keppnin var haldin fyrst árið 1987.

Jérôme útskrifaðist sem matreiðslumaður árið 1992 frá hinum virta skóla „The Culinary Institute of America“.  Síðan þá hefur hann verið viðlogandi Bocuse d’Or og sem varaforseti í Bocuse d’Or USA Foundation ásamt matreiðslumönnunum Thomas Keller og Daniel Boulud.  Að auki hefur Jérôme rekið franska veitingastaðinn „Les Chefs de France“ frá árinu 1996.  Til gamans má geta að Jérôme var gestadómari á Top Chef árið 2009.

Það verður því táknrænn viðburður þegar Bocuse d´Or fer fram í byrjun á næsta ári, því að keppnin verður 30 ára og að auki nýr forseti sem stýrir keppninni.

Bocuse d´Or keppnin fer fram 24. og 25. janúar 2017 í Lyon í Frakklandi, þar sem Viktor Örn Andrésson mateiðslumaður keppir fyrir hönd Íslands. Aðstoðarmenn eru Hinrik Örn Lárusson og Sölvi Már Davíðsson.  Dómari sem dæmir fyrir hönd Ísland er Sturla Birgisson matreiðslumeistari.

Hér að neðan eru vinningshafar frá því keppnin hófst árið 1987. Árið 2001 lenti Hákon Már í 3. sæti sem er besti árangur Ísland fram að þessu.

Ár	Bocuse d’Or	Silfur Bocuse	Brons Bocuse
1987	Jacky Freon	Michel Addons	Hans Haas
1989	Léa Linster	Pierre Paulus	William Wai
1991	Michel Roth	Lars Erik Underthun	Gert Jan Raven
1993	Bent Stiansen	Jens Peter Kolbeck	Guy Van Cauteren
1995	Régis Marcon	Melker Andersson	Patrick Jaros
1997	Matthias Dahlgren	Roland Debuyst	Odd Ivar Solvold
1999	Terje Ness	Yannick Alleno	Ferdy Debecker
2001	François Adamski	Henrik Norström	Hákon Már Örvarsson
2003	Charles Tjessem	Frank Putelat	Claus Weitbrecht
2005	Serge Vieira	Tom Victor Gausdal	Rasmus Kofoed
2007	Fabrice Desvignes	Rasmus Kofoed	Frank Giovannini
2009	Geir Skeie	Jonas Lundgren	Philippe Mille
2011	Rasmus Kofoed	Tommy Myllymäki	Gunnar Hvarnes
2013	Thibaut Ruggeri	Jeppe Foldager	Noriyuki Hamada
2015	Ørjan Johannessen	Philip Tessier	Tommy Myllymaki

Mynd: aðsend