Issi Fish & Chips í samkeppni við Lobster-hut

Lobster hut í miðbæ Reykjavíkur.
Mynd: úr safni

Lobster-hut hefur óskað eftir lóð við Fitjar í Reykjanesbæ undir starfsemi sína, en fyrirtækið rekur matarvagna á höfuðborgarsvæðinu, meðal annars í miðbænum auk þess að bjóða uppá þjónustu á hinum ýmsu bæjarhátíðum meðal annars á Ljósanótt, að því er fram kemur á vefnum sudurnes.net.

Veitingahjónin Jóhann Issi Hallgrímsson og Hjördís Guðmundsdóttir.
Mynd: Basi

Eins og fram hefur komið þá opnaði Issi kokkur, eða Jóhann Issi Hallgrímsson matarvagninn Issi – Fish & Chips í júní í fyrra ásamt eiginkonu sinni Hjördísi Guðmundsdóttur.

Issi – Fish & Chips er staðsettur við Fitjar ásamt því að vera með annan matarvagn sem keyrt er til sveitarfélaga í kring, Vogum hjá Þorbirni, í Garði við gamla pósthúsið, Sandgerði og í Grindavík á Festisplaninu.

Lobster-hut býður upp á humarsúpu, humarsamloku og humarsalat.