Hvenær hefst undanúrslit keppninnar um Kokk ársins 2017? – Allir eru velkomnir að koma og fylgjast með

Dómarar að störfum í undankeppni um titilinn Kokkur ársins 2015

Denis Grbic fagnar hér sigrinum með starfsmönnum á Sögu

Á morgun mánudaginn 18. september eru undanúrslit keppninnar um Kokk ársins 2017. Í fyrra var það Denis Grbic á Grillinu Hótel Sögu sem bar sigur úr bítum.

Keppnin fer þannig fram: allir faglærðir kokkar gátu sent inn uppskrift sem varð að innihalda þorsk, þorskkinn og íslenskar kartöflur og blómkál.

Dómnefnd hefur nú valið 12 bestu uppskriftirnar og munu keppendur elda þær á Kolabrautinni á morgun mánudaginn 18. september fyrir dómara og gesti frá kl 10 – 14. Allir eru velkomnir að koma og fylgjast með.

Samdægurs, það er á morgun mánudaginn 18. sept klukkan 15:30 á Kolabrautinni verður tilkynnt hvaða 5 kokkar keppa til úrslita í Kokkur ársins 2017.

Fimm efstu keppendur munu svo keppa til úrslita laugardaginn 23. september í Flóa í Hörpu.

Fríður hópur keppenda og dómara frá forkeppninni í fyrra á Kolabrautinni.
Keppendur fóru yfir keppnisfyrirkomulagið við dómara og aðstaðan skoðuð.
F.v. er Denis Grbic Kokkur ársins 2016

Úrslit fara þannig fram að keppendur hafa 5 tíma til að elda 3 rétti fyrir 12 manns. Keppendur fá að vita verkefnið um morguninn 23. sept og byrja að elda í hádeginu svo enginn getur verið búinn að æfa sig.

Sjá einnig – Könnun: Hvaða 5 keppendur keppa til úrslita

Á meðan keppni stendur mun Gummi Ben og landsliðið standa fyrir stórveislu og svakalegri stemningu, svo mun Eyþór Ingi taka við og halda uppi stemningu fram í nóttina.

Vídeó

Í fyrra var stemningin stórkostleg eins og sjá má á meðfylgjandi myndbandi og er gert ráð fyrir að hún verði ekki síðri í ár.

Kokkur ársins verður krýndur 23. september 2017 klukkan 23:00, Kokkur ársins keppir svo fyrir Íslands hönd í Matreiðslumaður Norðurlanda sem fram fer í Danmörku á næsta ári.

Keppendur í undanúrslitum um Kokk ársins 2017 (raðað eftir stafrófsröð)

• Ari Freyr Valdimarsson – Matarkjallarinn
• Arsen Aleksanderson – Argentína steikhús
• Bjarni Viðar Þorsteinsson – Sjávargrillið
• Daníel Cochran Jónsson – Sushi Social
• Garðar Kári Garðarsson – Deplar Farm / Strikið
• Hafsteinn Ólafsson – Sumac Grill + Drinks
• Knútur Kristjánsson – Falkenberg Strandbad
• Logi Brynjarsson – Höfnin
• Rúnar Pierre Heriveaux – Grillið Hótel Saga
• Sindri Guðbrandur Sigurðsson – Langá Veiðihús
• Sævar Lárusson – Kol
• Víðir Erlingsson – Bláa Lónið

Allar nánari upplýsingar um keppnina hér.