GOTT opnar í Reykjavík – Bjóða upp á vinsælustu rétti GOTT

Berglind Sigmarsdóttir og Sigurður Gíslason inni á GOTT í Vestmanneyjum.

Veitingastaðurinn GOTT í Vestmannaeyjum, mun senn opna í miðborg Reykjavíkur, nánar tiltekið á nýja Hilton Curio hótelinu í Hafnarstræti að því er fram kemur á mbl.is sem greindi fyrst frá.

Það eru þau hjónin Sigurður Gíslason, fyrrum meðlimur kokkalandsliðs Íslands og konan hans Berglind Sigmarsdóttir sem eru rekstraraðilar. Þau hafa gefið út matreiðslubækur á Íslandi, Heilsuréttir fjölskyldunnar, Nýir heilsuréttir og Réttirnir okkar og ein þeirra var gefin út í Þýskalandi.

GOTT hefur ávallt boðið upp á góðan og heilsusamlegan mat og til að mynda eru eru allar sósur, soð, súpur, brauð og kökur löguð frá grunni á staðnum.

„Það verða nýjungar, annars verður fyrsti matseðillinn svolítið „best off“ frá því við opnuðum í Eyjum fyrir 5 árum, en mikið af réttum eru orðnir signature“

sagði Sigurður í samtali við veitingageirinn.is aðspurður um matseðilinn á nýja veitingastaðnum.

Staðurinn mum taka 65 manns í sæti og er áætlað að opna í mars.

Mynd: facebook / GOTT