Fjölmargir sóttu um stöðu í Kokkalandsliðið og Ungkokka Íslands

Í byrjun apríl auglýsti Kokkalandsliðið lausar stöður í liðinu sem fer að hefja undirbúning sinn fyrir Ólympíuleikana í Erfurt 2016.  Leitað var að topp fagmönnum til að taka þátt í metnaðarfullu æfinga og keppnisstarfi liðsins næstu 2 árin.  Að auki var auglýst eftir áhugasömum ungkokkum til að starfa og aðstoða landsliðið við undirbúning fyrir keppnina í Erfurt.

Það voru sjö einstaklingar sem sóttu um stöður í Kokkalandsliðinu fyrir utan þá landsliðsmenn sem gáfu kost á sér.  Tólf umsóknir bárust frá áhugasömum ungkokkum sem vilja starfa með landsliðinu.

Við munum ræða við alla umsækjendur og landsliðsmenn. Stefnan er tekin á að kynna nýjan hóp í byrjun maí,

sagði Þráinn Freyr Vigfússon fyrirliði Kokkalandsliðsins í samtali við veitingageirinn.is.

Ljósmynd: Sveinbjörn Úlfarsson

/Smári