Ekkert kjöt í boði hjá Geranium

Rasmus Kofoed fyrir miðju

Michelin kokkurinn Rasmus Kofoed í Kaupmannahöfn hefur staðfest að hann muni taka kjöt af matseðlinum á veitingastaðnum sínum Geranium, en staðurinn er í öðru sæti á lista heims yfir 50 bestu veitingastaði, frá og með janúar 2022.

Sjá einnig:

Veitingastaðurinn Noma í Kaupmannahöfn valinn besti veitingastaður í heimi – Sjáðu fagnaðarlætin í Noma – Vídeó

„Mér finnst kominn tími á breytingar hjá Geranium. Mér líkar alltaf við áskorun og næsta áskorun er að búa til ótrúlega flotta og nýja rétti fyrir matseðilinn.“

Segir Kofoed í fréttatilkynningu.

Kofoed mun samt sem áður bjóða upp á signature réttina sína sem hann og hans teymi hafa þróað í gegnum árin og gestir geta pantað réttina fyrirfram.

Kofoed heillast af heilbrigðum lífsstíl:

„Þegar þú ferð á alla þessa frábæru veitingastaði, jafnvel Geranium, jafnvel þótt áherslan hafi alltaf verið að skapa gott jafnvægi í máltíðinni, þá er það stundum bara of mikið. Of mikið prótein, of mikil fita osfr.“

Þessi tilkynning kemur í sömu viku og bandaríski matreiðslumaðurinn Daniel Humm frá Eleven Madison Park tilkynnti um brottför sína frá Claridge’s í London, eftir að hótelið hafnaði sýn hans um 100 prósent vegan-væðingu á matseðli.

Sjá einnig:

Daniel Humm hættir á Claridge eftir ágreining um vegan-væðingu

Mynd: geranium.dk / Claes Bech-Poulsen

Auglýsingapláss