Eigendur Osushi fá ekki að framlengja leigusamninginn á húsnæðinu við Pósthússtræti 13

Eigendur á húsnæðinu við Pósthússtræti 13 hafa ákveðið að framlengja ekki leigusamninginn við Osushi sem hefur verið í húsinu frá árinu 2012 og þurfa eigendur Osushi að flytja út um næstkomandi áramót.

Osushi er einnig staðsett við Borgartún 29 og Reykjavíkuvegi 60 og eigendur Osushi eru Anna og Kristján Þorsteinsbörn.

Á vef eirikurjonsson.is kemur fram að Rosita YuFan Zhang veitingakona á Sjanghæ á Akureyri hyggst opna útibú í Pósthússtræti 13, en hún hefur átt húsnæðið í nokkur ár.

Osushi stefnir á að opna á nýjum stað og það í nýbyggingunni sem er verið að klára við Tryggvagötu 13 við hliðina á Borgarbókasafninu í Grófinni.

Eins og kunnugt er þá undirbýr Rosita að höfða mál gegn ruv.is vegna fréttaflutnings um starfsmannamálin á Sjanghæ á Akureyri.

Mynd: skjáskot af google korti