Hvað fór úrskeiðis með Juicero? Safapressan sem reyndist vera óþörf

Hægt var að kreista safann úr pakkningunum með höndunum, án þess að nota dýru vélina.
Mynd: skjáskot úr myndbandi.

Juicero var bandarískt sprotafyrirtæki stofnað árið 2013 af Doug Evans, sem hafði áður starfað sem forstjóri heilsufæðukeðjunnar Organic Avenue. Fyrirtækið þróaði og framleiddi Juicero Press, háþróaðan safapressu sem notaði sérstakar pakkningar með fyrirfram skornu ávöxtum og grænmeti. Þessar pakkningar voru seldar í áskrift beint frá fyrirtækinu. Juicero náði að safna um 120 milljónum dala frá fjárfestum, þar á meðal Google Ventures og Kleiner Perkins.

Þegar Juicero Press var kynnt á markað í mars 2016 var verðið 699 dollarar (á genginu í dag, tæp 100 þúsund ísl. kr.), en var lækkað í 399 dollara í janúar 2017 vegna dræmrar sölu.  Pakkningarnar kostuðu á bilinu 5 til 7 dollara hver og höfðu takmarkað geymsluþol, um átta daga. Hver pakkning var með QR kóða sem vélin skannaði til að staðfesta ferskleika og uppruna innihaldsins. Þetta var kynnt sem öryggisráðstöfun til að koma í veg fyrir notkun útrunninna pakkninga og auðvelda innköllun ef þörf krefði.

Í apríl 2017 birti Bloomberg frétt þar sem fram kom að hægt væri að kreista safann úr pakkningunum með höndunum, án þess að nota dýru vélina eins og sjá má á myndbandi hér að neðan. Þetta vakti mikla neikvæða athygli og gagnrýni á Juicero, þar sem vélin virtist óþörf miðað við að hægt væri að ná sama árangri án hennar.

Í kjölfarið bauð Juicero viðskiptavinum sínum fulla endurgreiðslu og reyndi að verja vöruna sína með því að benda á að vélin tryggði betri hreinlæti og notendaupplifun. Þrátt fyrir þetta náði fyrirtækið ekki að endurheimta traust neytenda. Í september 2017 tilkynnti Juicero að það myndi hætta starfsemi, stöðva sölu á vélum og pakkningum, og leita að kaupanda fyrir eignir sínar og hugverk.

Saga Juicero er oft nefnd sem dæmi um ofurtrú á tækninýjungum í Silicon Valley og hættuna á að þróa vörur sem leysa ekki raunveruleg vandamál neytenda.

Mynd: skjáskot úr myndbandi