Stöðva sölu á sveitapaté og innkallað frá neytendum

Ástæða innköllunar

Ástæða innköllunar er sú að varan inniheldur ofnæmis- og óþolsvaldana hveiti og heslihnetur án þess að þeir komi fram í lista yfir innihaldsefni á leyfilegu tungumáli. Varan ber merkingar á bæði frönsku og ensku, en ofnæmis- og óþolsvaldarnir koma ekki fram á ensku merkingunum.

Vanmerktur ofnæmis- og óþolsvaldur sem er hættulegur fyrir einstaklinga sem eru með ofnæmi fyrir hveiti og/eða heslihnetum.

Upplýsingar um vöru sem innköllunin einskorðast við:

• Vörumerki: Godard – Chambon & Marrel
• Vöruheiti: Terrine campagnarde au jus de truffe noire aromatisée
• Geymsluþol: Best fyrir dags. 24/05/2027
• Strikamerki: 3461951001503
• Nettómagn: 180 g
• Framleiðandi: SAS Godard-Chambon & Marrel, BP40072, Route de Salviac, 46300 GOURDON
• Framleiðsluland: Frakkland
• Dreifing: HYALIN, Skólavörðustíg 4a, 101 Reykjavík.

Neytendur sem eiga umrædda voru eru beðnir um að neyta hennar ekki og farga en einnig er hægt að skila henni í verslun Hyalin við Skólavörðustíg 4a og fá endurgreitt. Varan er skaðlaus þeim sem eru ekki með óþol eða ofnæmi fyrir hveiti eða heslihnetum.

Mynd: reykjavik.is