Matarlyst opnar á Selfossi

Á meðal rétta á matseðlinum er heit grísakæfa á rúgbrauði með smjörsteiktum sveppum, beikoni, pikkluðu rauðkáli, dill og rifsberjahlaupi.

Fyrir skömmu opnaði veitingastaðurinn Matarlyst á Austurvegi 35 á Selfossi. Að staðnum standa systkinin Davíð Örn Bragason og Kristín Arna Bragadóttir.

„Áherslurnar á staðnum eru kaffið og maturinn sem við erum að bjóða upp á. Þar má meðal annars finna dönsk smurbrauð, spænsk smurbrauð. Þá eru aðalréttir eins og hamborgarar og sjávarréttasalat sem dæmi. Svo eru eftirréttir og sætir bitar á boðstólnum. Barinn er svo opinn og auðvelt að finna sér eitthvað af því úrvali sem þar er að finna,“

segir Davíð Örn í samtali við dfs.is sem fjallar nánar um staðinn hér.

Mynd: Instagram / @kaffi.matarlyst