Gamli rjómaosturinn frá MS er nú fáanlegur á ný

Rjómaosturinn frá MS nýtur mikilla vinsælda en hann hentar frábærlega í matargerð og bakstur svo eitthvað sé nefnt. Nýr og mýkri rjómaostur var kynntur fyrir landsmönnum í vor og hefur hann hlotið einstaklega góðar viðtökur þrátt fyrir smá hnökra í upphafi framleiðslunnar.

Til að koma til móts við sem flesta neytendur var ákveðið að setja gamla rjómaostinn aftur á markað og verður hann fáanlegur í verslunum samhliða þeim nýja. Gamli rjómaosturinn er stífari en sá nýi og hentar einkar vel í eðlur, ídýfur og aðra heita rétti.

Gamli rjómaosturinn kemur í 200 g umbúðum og vonum við að neytendur sem hafa saknað þess gamla geti nú tekið gleði sína á ný.