Uppselt á veitingastaði á matarhátíðinni Restaurant Day

Á morgun laugardaginn 16. nóvember verður matarhátíðin “Restaurant Day” eða Veitingastaður í einn dag, haldinn í Reykjavík og víða um land – og samtímis um heim allan.

Á Akranesi, Ísafirði og Seyðisfirði
Þrír staðir eru út á landi en það eru Frábærína Franskhildur á Ísafirði þar sem bornir verða fram frábærínu borgarar og heimatilbúnar franskhildur við Mjallargötu.

Á Seyðisfirði verður DJ Unnur Andrea með hádegisverð þar sem úrval smárétta verða á boðstólnum, t.a.m. marineraður fiskur, grænmetisbaka og kjúklingaspjót og svo verða stígin nokkur danspor eftir matinn, en dansinn er ókeypis og maturinn verður ódýr.

Á Akranesi verður sushi-take away staður við Reynigrund 39, en þar ætla þær stöllur Aldís matgæðingur og Stefanía matreiðslunemi á Fiskmarkaðnum í Reykjavík og hefur lært þar sushigerð að bjóða upp á 10 bita sushi bakka og svo partýbakka sem inniheldur 50 bita.

Reykjavík

Two cods
Pil-Pil & Bizkaina

Í Reykjavík verða 8 staðir sem opna á morgun, t.a.m. í kjallaranum á SPARKI við Klapparstíg verður á boðstólum Melrósate í grænum félagsskap,  við Barónsstíg 16 verður boðið upp á forboðna ávexti og vinsamleg tilmæli til allra að skilja börnin eftir heima þar sem stokkið verður í hyldýpi syndarinnar.

Sumir pop-up veitingastaðir fara alla leið og opna heimasíðu í kringum daginn líkt og Sumendi og býður upp á þrjár máltíðir yfir daginn eða klukkan 13, 18 og 21 og er nú þegar uppselt í kvöldverðinn klukkan 18:00.

Matseðill hjá Sumendi er girnilegur en boðið er upp á:

Garlic soup
With Icelandic lobster tails

One lamb
Roasted Icelandic lamb fillet

Two cods
Pil-Pil & Bizkaina

Three milks
Cooked, fried & cocktail

Og herlegheitin kosta 4.900 krónur.

Hægt er að lesa nánari upplýsingar um veitingastaðina á restaurantday.org með því að smella hér.

Mynd: skjáskot af korti á restaurantday.org

Mynd af þorskrétti: af facebook síðu Sumendi.

/Smári