Óverðmerktar vörur í bakaríum

Neytendastofa gerði könnun dagana 18. – 23. september sl. á ástandi verðmerkinga í 49 bakaríum á höfuðborgarsvæðinu.  Athugað var hvort verðmerkingar væru í lagi í borði, gos- og mjólkurkælum.  Hjá 16 bakaríum (32%) var verðmerkingum ábótavant og voru kælar sérstaklega illa verðmerktir, að því er fram kemur á heimasíðu Neytendastofu.

Stofnunin gerði athugasemdir við:

• Bakarameistarann Austurveri, Smáratorgi, Suðurveri, Glæsibæ og Húsgagnahöllinni
• Okkar bakarí Iðnbúð
• Fjarðarbakarí Búðakór og Borgarholtsbraut
• Kornið Langarima, Lækjargötu og Hjallabrekku
• Hús Bakarans Drafnarfelli
• Bæjarbakarí Bæjarhrauni
• Kökuhornið Bæjarlind
• Björnsbakarí Austurströnd
• Hverafold bakarí

Augljóst er að verðmerkingar í bakaríum eru langt frá því að vera viðunandi og þurfa fyrirtækin að fara vel yfir verðmerkingar og verklag í bakaríum sínum og bregðast fljótt við tilmælum Neytendastofu til að forðast sektir.

Neytendastofa hvetur neytendur til að halda áfram að senda inn ábendingar í gegnum heimasíðu Neytendastofu.

Mynd: úr safni

/Smári