Kumiko úti á Granda og bakaríið á Flúðum hætta rekstri

Kumiko te- og kaffihús

Hjónin Sindri Daði Rafnsson og Íris Dröfn Kristjánsdóttir eigendur Sindra Bakari Cafe á Flúðum hafa lokað bakaríinu, en í tilkynningu frá þeim segir að ekki sé rekstrargrundvöllur fyrir bakaríið í því formi sem það er.

Samkvæmt heimildum veitingageirans hefur Sindri bakari tekið við veitingarekstri á hestagarðinum Fákasel í Ölfusi.

Japanska te- og kökuhúsið Kumiko mun hætta rekstri í lok september. Það er Kökulistakonan Sara Hochuli sem opnaði Kumiko á síðari hluta árs 2016. Húsnæði Kumiko, sem áður hýsti Grandakaffi, hefur verið sett á sölu og til greina kemur að „selja rekstrarfélagið sem heldur á leyfum til veitingahúsarekstursins ásamt ýmsum tækjum og tólum sem þurfa til slíks reksturs eftir nánara samkomulagi,“ eins og það er orðað í fasteignaauglýsingunni á visir.is hér.

Mynd: Jan Knüsel