Einstaklega vel heppnuð árshátíð hjá Garra

Garri heildverslun, sem fagnar 40 ára afmæli sínu á þessu ári, bauð starfsfólki og mökum í árshátíðarferð til Belgíu í lok september. Tveir af stærstu birgjum Garra, Ardo og Vandemoortele, sem hafa höfuðstöðvar í Belgíu tóku einstaklega vel á móti þeim. Tveimur dögum var eytt í Brugge, mikilvægri hafnarborg í Vestur-Flæmingjalandi en árshátíðarkvöldið sjálft var í stærstu og fjölmennustu borg Belgíu, Antwerpen.

Í ferðinni nutu starfsmenn allra þeirra helstu dásemda sem Belgía býður upp á í mat og drykk og heimsóttu meðal annars eitt elsta og virtasta brugghúsið í Brugge, De Halve Maan, sem er heimsþekkt fyrir hágæða bjórinn sinn. Jafnframt heimsóttu þau Ardo verksmiðjuna í Ardooie en Ardo er þekkt fyrir hágæða framleiðslu á frosnu grænmeti, ávöxtum og kryddum. Starfsfólk Garra fékk þar að skoða framleiðsluferlið allt frá því að grænmetið er tekið upp á ökrunum og þar til því er pakkað og flutt úr djúpfrystilager Ardo og til birgja út um allan heim.

Hátindur ferðarinnar var árshátíðin sjálf sem var haldin á Huis De Colvenier, heimsklassa veitingastað í Antwerpen sem leggur mikla áherslu á heildar upplifun matargesta, með opnu eldhúsi þar sem gestir geta fylgst með kokkunum og hráum “rustic” vínkjallara þar sem gestum er boðið upp á fordrykk. Fulltrúar frá brauð – og bakkelsis framleiðandanum Vandemoortele, sem er eins og Ardo einn af stærstu birgjum Garra, voru með í för um kvöldið og skemmtu árshátíðargestir sér konunglega og nutu bæði mats og drykks jafnt við upplifun.

Nú þegar er 25% af orkunotkun Ardo framleidd á staðnum með því að endurnýta þær náttúruauðlindir sem falla til í framleiðslunni og framleiða úr þeim metangas. Markmið Ardo er að auka það jafnt og þétt næstu ár. Þessi mynd er af því svæði þar sem þessi endurvinnsla á sér stað og er umbreytt t.d. í gas. Það voru margir sem reyndu að halda inni í sér andanum þegar gengið var um þetta svæði því lyktin var ekki sú besta í heimi.

Að sögn Magnúsar R Magnússonar framkvæmdastóri Garra þá var ferðin einstaklega vel heppnuð og fróðleg.

Garri vill að lokum koma á framfæri þakklæti til viðskiptavina fyrir biðlund meðan fyrirtækið var lokað.

Fleiri myndir frá árshátíðinni er hægt að skoða með því að smella hér.

Myndir: af facebook síðu Garra.

/Smári