Kaffihús og veitingastaður opnar á Rauðarárstíg

PREPP er kaffihús og veitingastaður sem opnaði nú á dögunum. PREPP er staðsettur við Rauðarárstíg 10 í Reykjavík við hliðina á Lucky Records sem er steinsnar frá Matarhöllinni á Hlemm.

Daníel Thors

Eigendur PREPP eru Daníel Thors og Jón Gunnar Jónsson.

Fyrst um sinn, á meðan þeir eru að fínpússa alla verkferla þá er opið á milli 8 og 17. Það stendur hins vegar til að sækja um vínveitingaleyfi og lengja opnunartíma til 23.

Staðurinn tekur 50 manns í sæti. Rýmið hentar einstaklega vel fyrir veislur og eru eigendur opnir fyrir því að leigja staðinn undir veisluhöld og annað skemmtilegt.

„PREPP er nafnið og er ekki skammstöfun á neinu. Okkur fannst nafnið skemmtilegt fyrir margar sakir. Í fyrsta lagi þá preppum við matinn sem við seljum og því er það kannski vísun í það. Síðan er PREPP stutt og laggott, eitthvað sem eru auðvelt að leggja á minnið. VIð ræddum það að fólk kæmi til okkar í „After Work“ á föstudögum og preppaði sig fyrir frekari átök. Nafnið kom samt til okkar eftir talsvert langa og stembna leit. Ég átta mig ekki á því hvernig börn eru skírð því það mjög erfitt að finna nafn á staðinn. Við prófuðum þónokkur nöfn áður en við lentum á PREPP. Við erum sáttir með það og ætlum ekki að snerta á nafnavali aftur – þó það hafi verið skemmtilegt“

, sagði Daníel Thors í samtali við veitingageirinn.is aðspurður um nafnið PREPP.

Í boði er alls kyns góðgæti með kaffinu en einnig samlokur, fiskisúpa, beyglur og hádegisréttir. Allir réttir sem PREPP selur eru líka „to-go“ og því er um að gera að, annað hvort mæta á svæðið eða hringja á undan sér og grípa með sér bita.

PREPP er sannkallað hverfiskaffi-, og veitingahús, býður upp á ljúfa stemningu, plötur í spilaranum, góðan mat, heitur capuccino og inniveður. Gerist ekki betra.

PREPP á facebook