Haustfagnaður á Salatbarnum

Sverrir Hadórsson og Ingvar Guðmundsson

Síðastliðinn föstudag var hinn árlegi haustfagnaður haldinn á Salatbarnum og eins og vanalega öllu tjaldað.  Færri komust að en vildu þannig að hann þarf að fara að huga að hafa á laugardagskvöldinu líka.

Hráefnið kom frá annars vegar SS og hinsvegar frá Fjallalambi á Kópaskeri.

Það sem boðið var uppá var Kjötsúpa, soðið Lambakjöt, soðin blóðmör, soðin lyfrapylsa, steikt lifur með eplum og bacon, steikt lifur í brúnni sósu, nýrnapottréttur, hjörtu, steikt blóðmör og lifrapylsa með sykri, soðin bjúgu, ofnsteikt lambalæri, heimlöguð sviðasulta, heit svið, uppstúf, grænar baunir, soðnar kartöflur, kartöflumauk, soðið rótargrænmeti, heimlöguð rabbabarasulta og í eftirrétt var silkiskyr með íslenskum bláberjum og rjóma og hrisgrjónagrautur með kanilsykri og rjóma.

Ingvar var allt í öllu enda á heimavígstöð og skemmtu allir sér vel yfir sögum úr húnavatnssýslu sem flugu á víxl.

Ingvar Guðmundsson og Unnsteinn Hjörleifsson

Maturinn sló í gegn eins og vanalega, en sér til halds og traust hafði Ingvar hann Unnsteinn Hjörleifsson Matreiðslumeistara.

Takk fyrir mig.

/Sverrir