Matsalurinn fær nafnið Sunnusalur

Hér má sjá Margréti Friðriksdóttur, skólastjóra ásamt vinningshafanum afhjúpa nafn matsalarins.

Nú á dögunum fékk matsalurinn í MK og Hótel og matvælaskólanum nýtt nafn og „Sunnusalur“ er hið nýja andlit. Dómnefnd skipuð fjórum aðilum stjórnenda, kennara og fulltrúa nemendafélags tókst á hendur það vandaverk að velja nafn úr potti þeirra 160 nafnlausu hugmynda sem fyrir þau voru lögð.

Vinningstillöguna átti Sunna Karen Sigurþórsdóttir og var leyst út með veglegum verðlaunum, út að borða í Sunnusal í heila tvo mánuði. Margar tilnefningar bárust, t.a.m. Hlégarður eða Éljúðnir, Matarholan eða Fóðurgryfjan – eða jafnvel Matsalurinn? Frumleikinn var allsráðandi.

Þess má geta að auðvitað hafði dómnefnd ekki hugmynd um nafn vinningshafa er nafnið var ákveðið.

Mynd: mk.is | [email protected]