Bandarískt spínat innkallað

Verið er að innkalla allt bandarískt spínat á Íslandi vegna tuga tilfella e-coli sýkingar í Bandaríkjunum. Engin tilfelli hafa komið upp hér á landi en í Bandaríkjunum hefur bakterían valdið að minnsta kosti einu dauðsfalli.

E-coli sýkingin greindist fyrst í Bandaríkjunum á fimmtudag og síðan þá hafa komið upp tilfelli í nærri 20 ríkjum. Á annað hundrað Bandaríkjamenn hafa veikst, á annan tug þeirra greindust með nýrnabilun.

Unnið er að því að innkalla allar vörur með bandarísku spínati á íslenskum markaði. Sá bandaríski seljandi sem Hagkaup skiptir við sendi frá sér tilkynningu í dag þar sem verslunin var hvött til að stöðva sölu.

Greint frá á ruv.is

[email protected]