Kitchen & Wine – Veitingarýni

Skaust eitt hádegið á nýja veitingastaðinn Kitchen & Wine á 101 hótelinu til að smakka á veigunum hjá Hákoni Má og félögum.

Mér finnst veitingasalurinn minna mig meira á útlönd en Ísland, á móti mér tók Tinna þjónn og vísaði mér til sætis og bauð matseðil, vatn og hvort ég vildi eitthvað meira að drekka og féll valið á diet kók.

Matarstefna Kitchen & Wine er að fókusa á einfalda og fagmannlega matreiðslu með árstíðabundið gæðahráefni og að hafa matseðilinn fjölbreyttan.

Tók ég mér tíma til að skoða hvað væri á matseðlinum og niðurstaðan var eftirfarandi:

Grænn aspas, linsoðið egg, skalottlauksvinaigrette, parmesan, brauðkruður

Ó hvað einfaldleikinn getur verið flottur í sinni björtustu mynd, ferskur spergill, ég man ekki eftir honum sem sérrétti á matseðli fyrr, hreinn unaður að borða.

Humarsalat, steiktir humarhalar, ferskt, salat, avocado, tómatar, sítrushunangssósa

Ekki var þessi minna spennandi flott eldun á humrinum, avacadoið hárrétt þroskað og dressingin gaf tón en dómineraði ekki sem er vel.

Smáborgarar, brioche brauð, trufflusósa

Smáborgarar, brioche brauð, trufflusósa

Þessir voru í gourmet fílingunni, brauðið alveg svakagott og trufflusósan ekki of megn, þannig að úr varð eitthvað sem maður gleymir seint.

Mjúk möndlukaka, vanillukrem, jarðarber, estragon

Hreinn unaður að borða og flottur endir á góðri máltíð

Þarna er fagmennskan í forgrunni og verður mjög gaman að fylgjast með hvernig seðillinn í haust kemur til með að líta út.

Ég gekk sæll og glaður út eftir guðdómlegan hádegisverð.