Michael Wilson – LAVA – Veitingarýni – F&F

Flott fólk á vaktinni, en því miður var Michael stunginn af áður en við tókum myndina.

Gestakokkurinn í ár á Bláa lóninun er hann Michael Wilson. Michael útskrifaðist úr Stratford chef school árið 2002 og hóf þá vinnu á Scaramouche Restaurant og vann þar þangað til árið 2004, hann vann á nokkrum stöðum eftir það og hélt áfram að vinna sig upp í það að vera yfirkokkur á staðnum LUMA sem staðsettur er í Toronto í Kanada.

Í nóvember síðastliðinn kynntust þeir Viktor Örn og Michael á veitingastaðnum LUMA þar sem Viktor var að kynna Taste of Iceland. Þá ákvað hann Michael að koma í ár á Food & Fun.

Við mættum á LAVA um klukkan 20:30 og það iðaði allt af stemningu inni á veitingastaðnum þegar við komum inn, við fengum sæti við gluggan og stuttu eftir að við settumst fengum við smakk frá eldhúsinu:

Laxatartar með seljurótarmæjónesi

Þessi réttur var mjög góður.

Fyrsti réttur í matseðlinum var:

Krabbasalat, djús úr kaldpressuðu káli, saltaðar sítrónur, silungahrogn, rúgbrauð, epli og hafþyrnisber

Hafþyrnisberin gerðu mikið fyrir þennan rétt. Okkur fannst vanta svolítið salt.

Nautaseyði með nautarifjum

Nautaseyði með nautarifjum sem voru gljáð með maple sýrópi, beinmerg, stökkt bygg, grenitoppar og einiber

Michael kom og hellti seyðinu í skálina og sagði okkur frá því að hugmyndin af þessum rétti kæmi frá Kanada þar sem mikið flatlendi er og mikið ræktað af nautgripum og byggi. Ég held að besta leiðin til að lýsa þessum rétti væri þessi: frekar þungt bragð í gangi en virkilega bragðgóður réttur. Skemmtilega öðruvísi að hafa grenitoppa í seyðinu.

Skyrmarineruð lambamjöðm, lambatortiere, kryddaður tómatur og rófa

Lambið var vel eldað og mjög gott. Okkur fannst að skyrbragðið skilaði sér ekki nógu vel í kjötið. Öll atriðin á disknum harmoneruðu vel saman.

Michael kom aftur til okkar og þá með eftirréttinn og aftur fengum við útskýringu á hugmyndinni. Í Kanada er núna uppskerutími hlynsýróps og þegar Michael var yngri þá fóru allir krakkarnir þangað sem hlynsýrópið var soðið og þar tóku þau sýróp og lögðu það í snjóinn til að kæla það og settu spítu í það til þess að búa til nokkurn skonar sleikjó og þetta var svo borðað af bestu lyst.

Hlynsýróp í snjó „Tiére de Neige“
Kryddkaka, valhnetustreusel, hlynskyr, hægelduð pera og hlynís

Góður eftirréttur til þess að klára svona máltíð, ferskur og góður

Við þökkum Michael Wilson og starfsfólki á LAVA fyrir góðan mat og gott kvöld.

/Bragi