Veitingastaðurinn GOTT í Vestmannaeyjum opnar 28. maí | Myndir frá framkvæmdum

Við höfum ákveðið að opna GOTT veitingastað miðvikudaginn 28. maí. Opnunartíminn verður frá kl. 11:00 til 22:00. Það verður gaman og GOTT að sjá ykkur

, segir í tilkynningu á facebook síðu Gott.

Það eru þau hjónin Berglind Sigmarsdóttir og Sigurður Gíslason matreiðslumaður sem er fólkið á bakvið þennan veitingastað, sem staðsettur verður við Bárustíg 11 í Vestmannaeyjum.

Boðið verður upp á ferskan fisk, hollan og góðan hamborgara, sushi, flat breads eða Chapati með allskyns fyllingum, kjúklingi ofl. Take away línu sem tilbúin og hægt að kippa með sér.  Boðið verður upp á lífrænt kaffi og te lífrænt léttvín.  Á bakvið er 70 fermetra sólpallur þar sem hægt er að setjast niður, en sjálfur staðurinn tekur 30-40 manns í sæti.

Berglind og Sigurður endurnýta gömul húsgögn, en með því vilja þau hugsa vel um umhverfið og því endurnýta í bland við smá nýtt og það er einhver kósý sjarmur yfir því og gaman að gefa gömlu nýtt líf, eins og sjá má á meðfylgjandi myndum:

Myndir og myndatexti: af facebook síðu Gott.

/Smári