Vel heppnaðar breytingar á Miðgarði, Grand Restaurant og kokteilbarnum í Torfastofu

Fjöldi fólks úr ferðaþjónustu og skyldum greinum lagði leið sína í teiti sem haldin var á Grand Hótel Reykjavík í Sigtúni nú á dögunum.

Tilgangurinn var bjóða ljúfra veitinga frá matreiðslumönnum hótelsins og sýna þær vel heppnaðar breytingar á veitingastaðnum Grand Restaurant og anddyri hótelsins, gestamóttöku, Miðgarði og kokteilbarnum Torfastofu.

Boðið var upp á skoðunarferðir um hótelið og vakti uppsett brúðkaupsveisla í Setri, mikla athygli. Þar hafði verið komið fyrir brúðartertu frá bökurum á Grand Restaurant og salurinn var skreyttur líkt og veislan væri að hefjast.

Gestir gátu skoðað svítur og herbergi hótelsins, heilsulindina Reykjavík SPA og tekið út fundar- og ráðstefnuaðstöðu á þessu stærsta funda- og ráðstefnuhóteli landsins. Starfsmenn hótelsins, kokkar, bakarar og framreiðslumenn, báru fram ljúfar veitingar og einnig voru í gangi ýmsar vínkynningar.

Ekki var annað að sjá en að andrúmsloftið á Grand Hótel Reykjavík hafi hitt í mark og gestir skemmtu sér fram eftir kvöldi við lifandi tónlistarflutning.  Á Facebook síðu Grand Hótels má sjá fleiri myndir úr veislunni.

Gítarleikarinn Björn Thoroddsen, bassaleikarinn Jón Rafnsson og trommuleikarinn Karl Pétur Smith sáu um tónlistina.

Myndir: af facebook síðu Grand Hótels.

/Smári