Þvílík ástríða í matargerð

Lögð er áhersla á að laga sem mest á staðnum svo sem allt pasta, gelato og brauð, en það er í höndum ítalska kokki staðarins honum Martins Sappia.

Eyþór Mar Halldórsson, yfirmatreiðslumaður Uno

Heimabakað ítalskt brauð með klettasalatsaioli og tómat tapenade

Mjög gott brauð og aiolið með alveg firnagott bragð af klettakálinu tónað með hvítlauk, tapenade einnig ljúft en aiolið átti leikinn.

Hrefnucarpaccio
Hrefnucarpaccio með fenniku, hvítkáli, parmesanosti og ilmríkri sítrónuolíu

Ekkert hráabragð af hrefnunni og kröftugt bragð af fennikunni og ostinum með mildum sítrónukeim sprengdi algerlega upp bragðlaukana fyrir það sem koma skyldi

Bruschetta al Funghi
Hvítlauksbakaðir sveppir, rauðlaukur og kerfill

Algert sælgæti og lítið meira að segja

 

Humar og risarækja Linguini
Linguini pasta með risarækjum, humri, klettasalati og kirsuberjatómötum í kraftmikilli sósu

Þessi steinlá, vel eldaður skelfiskur, pasta al dente, ferskur blær með tómötunum og sósan batt þetta allt saman á undurgóðan hátt

Uxahala Risotto
Hægeldaður uxahali og ferskir trompetsveppir

Bragðgott og kröftugt bragð, halinn mjúkur en það sem gerði nánast fullkominn rétt að slysi kvöldsins voru grjónin, þó að þetta séu bestu risotto grjón á Ítalíu þá finnst mér vond hálfhrá hrísgrjón sem stöðugt þarf að bíta í

Polenta franskar
Stökkar polentu franskar með sítrónu, parmesanosti og chilisultu

Kom heldur betur á óvart, bara þrælgott og toppað alveg með sultunni

Italian nachos
Stökkt ravioli með fjögurra osta fyllingu og bragðmikilli arrabbiata sósu

Djúpsteikt ravioli hef ég ekki smakkað áður, en gott var það, sósan fersk með smá undirtón af eldpipar

Nautaribeye
Grillað nautaribeye með hvítlauksrósmarin kartöflum, grilluðu grænmeti og pancettasósu

Viðar grilluð, alveg ómóstæðilegt bragð og flott elduð, meðlæti stóð fyrir sínu sem og sósan en það sem var winnerinn var chimi churri olíusósan sem ég smurði ofan á steikina og ég var í Disney, þvílík dásemd

Tiramisu a ´la Nino
Með karamellusósu, sérstök uppskrift frá fjöldskyldu Nino kokks frá Ítalíu

Hef ekki ímyndað mér að þessi kaka gæti verið svona góð sem hún var, algjört konfekt

Kókossprengja
Blandaður gelato með kókosbollu, ferskum jarðaberjum, rjóma og súkkulaðisósu

Stóð fyllilega undir nafni, fersk og frískandi og gott samspil á brögðum og ekkert sem skemmdi ekki fyrir þeirra á milli

Lakkríssprengja
Blandaður gelato með fullt af lakkrís og svo meiri lakkrís-fyrir þá sem elska lakkrís

Var spenntur að smakka þennan rétt en mér þykir ekki leiðinlegt að borða lakkrís, en að vera með lakkrískonfekt með ofursætum marzipan sem dómineraði allt of mikið og lakkrísbragðið náði ekki almennilega í gegn. Bara lakkrísrör sleppa marzipaninu þá væri þetta grand réttur

Það get ég sagt ykkur að fyrirsögnin á þessum pistli var það fyrsta sem kom upp í huga mínum eftir þessa matarorgíu sem við höfðum upplifað þessa kvöldstund.  Þjónustan var góð og var ánægjulegt að fylgjast með bæði þjónustufólki og eldhúsi en það er opið, hvað það virtist vera samstillt og yfirvegað þó svo að salurinn væri fullur.

Við hér á Freistingu.is óskum þeim til hamingju með staðinn og alls farnaðar í framtíðinni.

Myndir tók enginn annar en Matti himself.

/Sverrir