Síðasta tímaæfing Viktors í gær | Næst er það Matreiðslumaður Norðurlanda

Frá æfingu

Matvælasýningin Foodexpo í Herning Danmörku hefst á morgun 16. mars og stendur yfir til 18. mars næstkomandi.  Samhliða sýningunni verða fjölmargar keppnir, hjá kjötiðnaðarmönnum, keppnin um titilinn Matreiðslumaður Danmörku, súkkulaðikeppni hjá dönskum matreiðslunemum, Norðurlandamót í súkkulaði listaverkum svo fátt eitt sé nefnt.

Viktor Örn Andrésson Matreiðslumaður ársins 2013 og yfirmatreiðslumaður Bláa Lónsins, keppir um titilinn Matreiðslumaður Norðurlanda á þriðjudaginn 18. mars n.k. og hefur æft stíft síðastliðnar tvær vikur.  Viktor er búinn að taka fjórar tímaæfingar, á fyrstu æfingu fór Viktor aðeins yfir tíma en næstu þrjár var hann alveg á tíma.  Viktor tók síðustu tímaæfinguna í gær og var hann hress í samtali við veitingageirinn.is og ánægður með æfinguna.

Keppnisfyrirkomulag er leyndarkarfa (Mistery basket).  Hver keppandi hefur 4 tíma í undirbúning og skila þá forréttunum á diskum og 6 skammta á fati, klukkutíma síðar er aðalrétturinn skilaður á diskum og eftir 1 klst og 15 mín. er eftirrétturinn skilaður á diskum til dómara og eru það þá samtals 6 klukkustundir og 15. mínútur sem keppendur hafa til að elda fyrir 12 manns.

Það eru 10 keppendur, tveir frá hverju Norðurlandi, Viktor keppir fyrir hönd Íslands og Óðinn Birgir Árnason keppir í Young chefs (Wild card).  Steinn Óskar Sigurðsson matreiðslumaður dæmir fyrir hönd Ísland.  Samhliða keppnunum Matreiðslumaður Norðurlanda og Young chefs fer fram Framreiðslumaður Norðurlanda.

Viktor og allir þeir íslendingar sem fara til Danmerkur á FoodExpo fljúga út á morgun sunnudaginn 16. mars.

Veitingageirinn.is verður á vaktinni, fylgist vel með. Við hvetjum alla þá sem fara á Foodexpo að tagga #veitingageirinn á Instagram myndirnar sínar.

Myndir: Þráinn Freyr Vigfússon

/Smári