Saint Clair vínhús ársins

Bandaríska tímaritið Wine & Spirit hefur valið nýsjálenska vínhúsið Saint Clair Family Estate sem eitt af “vínhúsum ársins”.  Á vegum tímaritsins eru árlega smökkuð og metin um 12.000 vín og þau vínhús sem ná bestum árangri eru heiðruð sem vínhús ársins. Sérfræðingar sögðu hin “framúrskarandi vín Saint Clair gera vínhúsið að frábærum sendiherra Nýja-Sjálands”.

Saint-Clair-vínin hafa verið fáanleg hér á landi um nokkurt skeið og kom víngerðarmaðurinn Matt Thompson m.a. hingað til lands og stóð fyrir smökkun árið 2011.