Paul Cunningham – Grillið

Þetta er annað árið í röð sem Paul kemur á Food and Fun hátíðina og er mikil gleði að fá hann aftur, því í fyrra var þetta einn af þeim betri matseðlum sem ég smakkaði. Það er alltaf mjög skemmtilegt í kringum Paul, mikil gleði og hasar en á sama tíma alltaf einhver kjánaskapur.

Hann ólst upp í Essex í Englandi en eftir misheppnaðar tilraunir sem listamaður og dansari ákvað hann að hans köllun í lífinu væri að elda fyrir fólk. Hann byrjaði að vinna fyrir sér á pub sem fjölskylduvinur átti en eftir að hann kynntist konu sinn sem er dönsk flutti hann til Danmerkur þar sem hann fór að vinna á Söllerröd Kro og svo Formel B.

Árið 2003 opnaði hann svo The Paul inn í Tívolí í kóngsins Köben sem fékk michelin stjörnu 9 mánuðum seinna. Árið 2011 ákvað hann að loka staðnum og flytja í sveitina fjarri skarkala borgarinnar og er núna yfirmatreiðslumaður á veitingastaðnum Henne Kirkeby Kro á vestur Jótlandi.

Matseðill kvöldsins hljómaði svo:

Frábær leið til að starta kvöldinu, yndislegt hreint

Reykt Klaustursbleikja, ostrukrem, agúrka

Mjög hreint og gott bragð

Þorskur, súrmjólk, vatnakarsi & brauð

Gott bragð sem bættu hvort annað upp. Minnti smá á hamsatólg, á góðan hátt

Nautalund, reyktur mergur, laukur & kaffi

Frábært reykta bragðið í mergnum, góða sósan og fullkomin eldun á kjöti, laukurinn var sælgæti

Gamaldags rjómaís, saltkaramella

Gamaldags rjómaís, saltkaramella

Besti ís sem ég hef fengið í langan tíma, vel sölt karamella

Gulur snjór

Ferskur endir á góðu kvöldi, hefði hugsanlega viljað fá þennan rétt á undan ísnum en góður var hann

Wiský súkkó truffluband og stökkar magdalenur

Sætur endir á flottum kvöldverði

Eftir að hafa þakkað fyrir okkur gengum við með bros á vöru út og nutum að horfa á norðurljósin dansa í tunglsljósinu. Þökkum þeim á Grillinu kærlega fyrir okkur.

Myndir: Matthías

/Hinrik

Allar Food and fun fréttir og umfjallanir hér.