Horfðu á fyrsta þáttinn hjá Halla og Júlla hér

Hallgrímur Sigurðarson og Michael Jon Clarke

Eins og greint hefur verið frá þá hófst ný þáttarröð af Matur og menning á Sjónvarpstöðinni N4 mánudaginn síðastliðinn þar sem Júlíus Júlíusson fiskidagskóngur og Hallgrímur Sigurðarson matreiðslumaður fara á heimshornaflakk í þáttunum með huganum og bragðlaukunum.  Fyrsti þáttur var með Bretlands þema en þar fengu þeir Michael Jon Clarke sem er fæddur og uppalin í Notthingam í Bretlandi, en hann kom til íslands árið 1971 og er mikill sælkeri og pylsugerðameistari og hefur starfað sem tónlistakennari á Akureyri í 42 ár.

Fish & chips eða fiskur og franskar sem er einn vinsælasti réttur í Bretlandi var í forgrunni í þættinum.  Rétturinn var poppaður upp en Hallgrímur notaði þorsk sem hann hafði veitt fyrr um daginn og vellti honum upp úr spelt og chili orlydeigi, bakaðar ferskar kartöflur og bornar fram með hvítvínsediki, sem Michael sagðist sleppa fyrir horn, en eins og frægt þá er Maltedik notað á kartöflurnar í Bretlandi.  Þeir njóta síðan veitingarnar á Akureyri backpackers sem býður upp á gistingu, bar og veitingar.

Júlíus sýndi hvernig á að elda skemmtilega útfærslu á eggjaköku með villisveppum, einfalt og örugglega mjög gott.  Fínn þáttur sem vert er að fylgjast með.

Mynd: skjáskot úr myndbandi

/Smári