Alessandro Gavagna – Kolabrautin

Alessandro er yfirkokkur á hinum virta stað La Subida í Cormons sem er staðsettur við landamæri Slóveníu á norðaustur Ítalíu.

Hann er giftur inn í hina frægu Sirk fjölskyldu og hefur haldið við fjölskylduhefðinni þar sem allt snýst um mat og ástríðu fyrir mat.

Hann hefur skapað sér gott nafn innan kokkaheimsins og hefur La Subida eina Michelin stjörnu.

En okkur var boðið upp á:

Kálfatartar með sirk della subida ediki, tómötum og sellerí

Virkilega milt og gott bragð, eins og fyrsti réttur á að vera. Yndislegt edikið þeirra

Girini pasta með heimalagaðri pylsu, rauðsalati frá Verona og granatepli

Gaman að sjá ‘high class’ pasta rétt. Mjög bragðgóður, granateplin gerðu mikið

Leyni réttur: Edik Sorbet

Mjög ferskur og góður. Hreinsaði fullkomlega

Ofnbökuð lynghæna með polentu, möndlum og skalottlauk

Ekki fallegasti rétturinn fyrir augað en mikið var hann góður. Mjög safarík lynghænan og laukurinn snilld með

Hvítsúkkulaðifrauð með valhnetu-biscotti, gulum rúsínum, furuhnetum og eplakrapís

Ferskur og mildur eftirréttur. Mjög góður krapísinn, en hefði mátt vera aðeins minna matarlím í frauðinu.

Það var gaman að fá að hitta þetta yndislega Ítalska fólk og þökkum þeim ásamt þeim á Kolabrautinni fyrir.

/Hinrik og Matthías

Allar Food and fun fréttir og umfjallanir hér.