Vinnuvikan 36 stundir frá 1. febrúar 2024

Virkur vinnutími samkvæmt kjarasamningum iðn- og tæknifólks í dagvinnu verður 36 virkar vinnustundir á viku frá og með 1. febrúar 2024.

Samið var um einn samræmdan vinnutíma í kjarasamningum iðn- og tæknifólks í kjarasamningunum 2022. Breytingarnar hafa áhrif á þá sem starfa skv. kjarasamningum SA við Samiðn, RSÍ, VM, MATVÍS, Félag hársnyrtisveina og Grafíu.

Breytingin hefur ekki áhrif á fyrirkomulag neysluhléa sem eru áfram tekin nema samkomulag sé um annað.

Félagsfólki er bent á að hafa samband við kjaradeild Fagfélaganna í síma 5400100, ef það vill fá aðstoð eða leiðsögn vegna útfærslu vinnutímastyttingar á sínum vinnustað.