Vínframleiðendur græða á Brexit

Vínframleiðendur í Bretlandi segja að Brexit, ákvörðun Breta um að yfirgefa Evrópusambandið, hafi komið þeim vel. Með veiku pundi er auðveldara að flytja vínið út og eru fleiri sem vilja kaupa það.

Að sögn Frazer Thompson, framkvæmdastjóra vínekrunnar Chapel Down, sem er í Kent, hefur fall pundsins komið þeim vel þegar það kemur að útflutningi.

Sjá einnig: English winemakers raise a glass to Brexit

Sala vínekrunnar hefur aukist um 30% milli ára og verð á hlutabréfum þeirra tvöfaldast á þessu ári. Til að mæta aukinni eftirspurn er Chapel Down að stækka við sig, um tæpa hundrað ekrur.

Vídeó:

Thompson bendir þó á að Brexit kemur ekki öllum vel og nefnir að starfsfólk muni eflaust í minna mæli koma til Bretlands til að vinna eftir að þjóðin gengur úr Evrópusambandinu.

Hann hefur þó ekki áhyggjur af slæmu viðskiptasambandi við Evrópusambandslönd. Helstu viðskiptavinir Chapel Down eru í Asíu og Bandaríkjunum.

Það var mbl.is sem vakti athygli á fréttinni frá CNN.

Mynd: úr safni