Verbúðir fá nýtt hlutverk

Séð yfir Smábátahöfnina í átt að Verbúðunum

Brynjar Eymundsson hefur gengið frá samningi við Faxaflóahafnir um leigu á verbúð við Geirsgötu.  Steinn Óskar Sigurðsson verður í eldhúsinu og ætti þar að vera á ferð öflug teymi með samanlagaða reynslu uppá marga áratugi!

Eldhús verður á neðri hæð verbúðarinnar, bætt verður við gluggum með útsýni yfir smábátahöfnina og áætlað að hafa borð fyrir 50-60 gesti á báðum hæðum en á efri hæð er gert ráð fyrir bar.

Mikið verk er fyrir höndum og staðurinn nánast fokheldur þegar Freisting leit við og tók púlsinn á þeim félögum á fimmtudaginn síðasta, eins og reyndar myndirnar sýna glögglega (sjá myndasafn).

Matseðill er ekki endanlega kominn á hreint en stefnir í léttan, rúllandi seðil í hádegi með réttum dagsins og ferskleika í fyrirrúmi, mismunandi frá degi til dags.  Smáréttir á boðstólnum yfir miðjan dag og smurt brauð og síðan fastur matseðill á kvöldin, allt með áherslu á flott hráefni og ferskan fisk að sjálfsögðu.

Opnun er áætluð um miðjan maí og mun Freisting að sjálfsögðu mæta á staðinn og taka út kræsingarnar.

Smellið hér til að skoða myndir.
/ Almennar myndir / Verbúðir

/Matthías