Úrslit í matreiðslu- og kokteilkeppni á Local Food á Akureyri – Fjölmargar myndir frá hátíðinni

Einar Geirsson sigraði Kokka einvígið

Local Food festival, matarmenningarhátíðin á Norðurlandi fór fram í Íþróttahöllinni á Akureyri á laugardaginn s.l. Tilgangur hátíðarinnar er að vekja athygli á Norðurlandi og þeirri miklu matvælaframleiðslu sem þar fer fram, fjölbreyttu úrvali veitingastaða, matarmenningu og annarri framleiðslu sem tengist matvælum.

Norðurland er stærsta matvælaframleiðslusvæði landsins og er sýningin því kjörinn vettvangur fyrirtækja og einstaklinga í geiranum til að vekja athygli á framleiðslu, matarmenningu, matartengdri ferðaþjónustu og verslun.

Áætlað er að um 15.000 – 16.000 gestir hafi sótt sýninguna í ár

Áætlað er að um 15.000 – 16.000 gestir hafi sótt sýninguna í ár og ljóst er að þetta er án efa fjölmennasta sýningin til þessa og einnig hin glæsilegasta, ekki síst vegna mikils metnaðar sýnenda sem í ár voru rúmlega 30 talsins og allra sem að sýningunni komu.

Þá voru matreiðslu- og kokteilkeppnir fleiri en áður og metþátttaka í öllum keppnum.

Úrslit keppna:

Local food kokkanemi ársins 2016
Aron Bjanir Davíðsson – Múlaberg
Brynjólfur Þrastarsson – Strikið
Arnór – Rub 23
Benedikt – Múlaberg

Kokka einvígi tveggja rétta á 60 mín.
Einar Geirsson – Rub 23
Jónas Jóhannsson – Rub23

Local food kakan 2016
Þórhildur Lilja Einarsdóttir

Kokteilakeppni 2016
Ámundi Rögnvaldsson R5 bar

Fallegasti Básinn
Kjarnafæði

Frumlegasti básinn
Segull 67

Frumkvöðlaverðlaun ársins
Langabúr

Með fylgja myndir sem að Linda Ólafsdóttir tók.