Þrír Frakkar hjá Úlfari – Klassískur íslenskur sjávarréttarstaður | Veitingarýni

Móðir mín var ánægð með Þrjá Frakka

Í tilefni þess að haldið var upp á 100 ára afmæli kosningaréttar kvenna, þótti mér tilhlýðilegt að bjóða móður minni í hádegisverð í tilefnis dagsins og fyrir valinu varð Þrír Frakkar hjá Úlfari við Baldursgötu 17 í Reykjavík.

Við vorum mætt klukkan 11:30 og fyrstu gestirnir og Úlfar settist hjá okkur og tók stutt spjall, en svo kallaði skyldan og við snerum okkur að matseðlinum og var eftirfarandi pantað:

2 pepsi max á kantinn.

Brauð og smjör

Skál með harðfiski

Svo kom brauð og smjör og skál með harðfiski, flott.

Villibráðapaté með cumberland sósu

Í mínum huga er þetta terrine en ekki paté, en mjög gott bragð og sósan hæfilega sæt á móti og sýran kom úr smágúrkunni.

Sveppasúpa rjómalöguð með ferskum sveppum

Alvöru hótelsúpa eins og sagt var í gamla daga, virkilega góð.

Heilsteikt Rauðsprettuflök með rækjum “gratin”

Mjög góður fiskur, ferskt grænmeti og góðar kartöflur, óaðfinnalegt.

Léttsteiktar Svartfuglsbringur með villibráðasósu

Þær voru nú steiktar med well fyrir móður mína með sykurbrúnuðum kartöflum, eplasalati, fersku grænmeti og þykkri villisveppasósu, alveg eins og hún vildi hafa það mjög ánægð.

Þjónustan var ljúf og þægileg og passaði að þegar við vorum að fara þá dreif fólk að til að borða.

Mamma var svo hrifin að hún vill fara í haust til Úlfars og fá alvöru kótilettur í raspi með alles.