Lækkar verðið til frambúðar eftir vel heppnað afmælistilboð

Veitingastaðurinn Þrír frakkar hjá Úlfari var stofnaður 1. mars 1989

Veitingastaðurinn Þrír frakkar átti 30 ára afmæli 1. mars s.l. og að því tilefni bauð staðurinn upp á 30% afslàtt af matseðli.

Afmælistilboðið sló í gegn og var fullt út að dyrum á afmælinu.  Í beinu framhaldi ákvað eigendur að framlengja tilboðið út marsmánuð.  Gestum fjölgaði um 30% á staðnum í mars.

Sjá einnig: Þrír frakkar lækkaði verðið á matseðlinum og gestum fjölgaði um þriðjung

Í tilkynningu frá Þremur Frökkum í gær segir:

„Kæru vinir til sjávar og sveita.
Þar sem afmælis tilboð okkar í mars fékk svona glimrandi viðtökur og jákvæða umræðu, ætlum við að halda áfram á sömu braut og lækka verð á matseðli um 20% til frambúðar. Þökkum frábærar viðtökur og hlökkum til að sjá ykkur.
Kveðja
Staffið á Frökkunum“

Mynd: facebook / Þrír Frakkar