Þessi matseðill á eftir að slá í gegn á árshátíð Klúbbs Matreiðslumeistara

Árshátíð Klúbbs Matreiðslumeistara verður haldin á Hilton Hótel þann 18. mars næstkomandi, þar sem fordrykkur hefst stundvíslega kl 18:00 á annari hæð.

Sala á happdrættismiðum hefst einnig klukkan 18:00 hjá Lukkudísunum.

Þéttskipuð dagskrá er á árshátíðinni sem byrjar með að Forsetinn Björn Bragi Bragason setur hátíðina og lofað er að hann verði mjög stuttorður.  Erpur Eyvindarsson verður veislustjóri. Viðurkenningar eru síðan veittar og aðrir verða næstum því slegnir til riddara af Orðu og laganefnd. (það má heyra saumnál detta þegar þessi viðburður er í gangi).

4ja rétta matseðill verður á boðstólnum en snillingurinn Fannar ásamt sínu fólki mun töfrar fram hvern réttinn af öðrum sem hér segir:

Urriði

Grafinn og létteldaður Urriði, rauðrófum, laxahrogn & yuzu majónes

Lifur og læri

Andalifur & læri sveppir, ber & Brioche brauð

Naut

Hægelduð nautalund & grísasíða ásamt gleymdum gulrótum, sveppum, perlulauk & portvínssósu

Súkkulaði

Karamellu- & súkkulaðimús, hvítsúkkulaði & marengs

Á meðan á þessu gengur yfir þá mun Erpur æsa upp gestina með nokkrum athugasemdum eins og honum er alkunna og eins sjá um að vinningar dreifast á sem flesta (ekki allt til Lárusar).

SKRÁNING Í GANGI Á rm@pasta.is ( það er nauðsynlegt til áætla fjöldann)

Kveðja Viðburðarnefndin.

Munið myllumerkið #kmparty17

Samsett mynd: aðsend